په غزني ولایت کې د ښاري تخلفاتو مخنیوی وشو
۱۴۴۶/۲/۲۹
د غزني ولایت د کور او ښار جوړولو ریاست محترم رئیس مولوي نورولي بلال متقي وایي، د دې ریاست اړوند د ښاري تخلفاتو ټیم د غزني ښار په دویم او درییم پلان کې د ښاري تخلفاتو په موخه د ځینو ودانیو له ودانیزو چارو څارنه وکړه.
ښاغلي مولوي متقي وویل، د غزني ښار اړوند په دویم پلان کې د هستوګنیزې ودانۍ له ودانیزو چارو څارنه وشوه تر څو د ښاري تخلفاتو مخنیوی وشي، همداراز په دې ولایت کې د برښنا ریاست اړوند د تخریب شوې ودانۍ چارې له نږدې ولیدل شوې او نوي جوړیدونکي تعمیر لپاره د اړوندې ادارې څخه اسناد وغوښتل شول، تر څو د اسنادو د بشپړیدو وروسته یاده ودانۍ د نقشې مطابق جوړه شي.
د کور او ښار جوړولو وزارت مرکزي او ولایتي ټیمونه ودانیزې پروژې له نږدې څارې تر څو د ښاري تخلفاتو مخنیوی وشي.
