په سرپل ښار کې د بې پېلوټه الوتکې په وسیله د توپوګرافۍ او جغرافیایي معلوماتو راټولولو بهیر پیل شو
۱۴۴۸/۲/۲۹
د کور او ښار جوړولو وزارت د سروې او جي ای ایس ریاست تخنیکي ټیم، د سرپل ولایت په مرکز کې د بې پېلوټه الوتکې او فوتوګرامټرۍ د نوې ټکنالوژۍ په کارولو سره د ښار د توپوګرافۍ او جغرافیایي معلوماتو د راټولولو بهیر پیل کړ.
د دې سروې موخه د سرپل ښار اړوند کره جغرافیایي معلومات راټولول، د ښاري معلوماتو ډیجیټلي کول او د راتلونکو ښاري پلانونو د لا دقیق ترتیب لپاره معیاري معلوماتي بنسټ برابرول دي.
راټول شوي معلومات به د سرپل ښار د اصلاحي او تفصیلي پلانونو د ترتیب، ښاري پراختیا او اړوندو پرېکړو لپاره د اساسي تخنیکي معلوماتو په توګه وکارول شي.
د یادې سروې په ترسره کېدو سره به د سرپل ښار د منظمې او دوامدارې پراختیا، اغېزمن ښاري مدیریت او معیاري پلان جوړونې لپاره لازم تخنیکي بنسټ لا پیاوړی شي.
