په تورغنډۍ ښارګوټي کې د ماشومانو روغتون د جوړولو له چارو څارنه ترسره شوه
۱۴۴۷/۹/۱۹
هرات ولایت کې د کور او ښار جوړولو محترم ریاست د تخنیکي او مسلکي ټیم له لوري، د دغه ولایت د رباط سنګي ولسوالۍ اړوند تورغنډۍ ښارګوټي کې د ماشومانو روغتون د جوړولو چارې و ارزول شوې.
دغه چاره د کور او ښار جوړولو وزارت، له ښاري سرغړونو د مخنیوي او د انکشافي پروژو پر تطبیق د څار محترم عمومي ریاست په همغږۍ ترسره شوه.
د یادې پروژې له چارو د څار په موخه، د هرات ولایت د محترم مقام د حکم له مخې، د ولایت محترم مقام، د دغه ولایت د عامې روغتیا محترم ریاست او د کور او ښار جوړولو محترم ریاست استازو په ګډون یو ګډ پلاوی ټاکل شوی و.
دغه څارنه د هرات ولایت د عامې روغتیا محترم ریاست د وړاندیز پر بنسټ ترسره شوه، چې چارې یې د یو ګډ پلاوي له لوري په دوامدار ډول څارل کېدې.
د تورغنډۍ ښارګوټي کې د ماشومانو دغه روغتون به د سیمې اوسېدونکو ته د معیاري روغتیايي خدمتونو زمینه برابره کړي او د ماشومانو د درملنې په برخه کې به مهم رول ولوبوي، چې اوسمهال یې چارې په بشپړ ډول پای ته ورسېدې.
