په بدخشان ولایت کې د کوڅو پخولو له پروژې څارنه وشوه
۱۴۴۶/۱۰/۱۴
د بدخشان ولایت د کور او ښار جوړولو ریاست محترم رئیس ولي الله الهي وایي، د دې ریاست اړوند تخنیکي ټيم په فیض اباد ښار کې د کوڅو د پخولو د پروژې له چارو څارنه وکړه.
ښاغلي مولوي الهي وویل، یاده پروژه د فیض اباد ښار په پنځمه ناحیه کې ده، چې په دې پروژې کې ځینې نیمګړتیاوې وې، چې قراردادي شرکت ته په ګوته شوې.
د نوموړي په خبره، د قراردادي شرکت له مسؤل جدي وغوښتل شول، تر څو ټولې په نښه شوې نیمګړتیاوې هر څه زر اصلاح کړي او پاتې چارې دې د نقشې مطابق په معیار برابرې تر سره کړي.
