هرات کې دوه تعلیمي پروژې ګټې اخیستنې ته وسپارل شوې
ښارجوړولو او ځمکو وزارت د هرات ولایت په زنده جان ولسوالۍ کې د یو ۱۰ صنفي ښوونځي او د هرات ولایت د لومړۍ ناحیې په سلطان غیاث الدین لیسه کې د ساینس لابراتوار ودانۍ رغنیزې چارې پشپړې او ګټې او خیستنې ته یې وسپارل.
د ۱۰ صنفي ښوونځي ودانۍ په ۹۰۶ متر مربع ځمکه کې په یو پوړ چې د ۳۹۷ متره په اوږدوالي د احاطې دیوال، دروازه، پنځه غرفې، کثافت خونې، د سولر سیسټم او د ۱۰۰ متره په ژور والي د څښاک اوبو څاه پکې شامله ده د ۱۴ میلیونه او ۷۰۰ زره افغانیو په ارزښت او همداراز د ساینس لابراتوار ودانۍ په ۱۰۵۰ متر مربع ځمکه کې په دوه پوړونو د ۲۶ میلیونه افغانیو په ارزښت د پوهنې وزارت له پراختیايي بودیجې جوړ شوي دي.
د ویلو ده چې د هېواد په کچه د ښوونځیو جوړول د ښارجوړولو او ځمکو وزارت کاري لومړیتوب دی او ټاکل شوې دا وزارت د خصوصي سکټور په همکارۍ په ولایاتو کې د ښوونځیو جوړولو چارې چټکې کړي.
###
