ننګرهار کې له ۳۷۰ زرو زياته دولتي ځمکه ثبت شوه
د ښار جوړولو او ځمکو وزارت د دولتي ځمکو د بانک برنامې له پيل راهيسې تر اوسه په ننګرهار ولايت کې ۳۷۶۲۶۸ جريبه ځمکه او دولتي املاک سروې او ثبت کړي دي.
له دې ډلې څخه په ۱۲۴ قطعو کې ۳۵۰۰۶۳ جريبه سپينه دولتي ځمکه او په ۱۰۴ قطعو کې ۲۶۲۰۵ جريبه د دولت تر استفادې لاندې عامه ملکيتونه دي چې د ننګرهار ولايت په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر اوسه د هېواد په ۲۸ ولايتونو کې په ۵۵۱۰ قطعو کې ۴ ميليونه ۷۴۸ زره او ۱۳۴ جريبه ځمکه او دولتي املاک سروې، نقشه او ثبت کړي دي.
