میدان وردګ ولایت کې خلکو ته د خدماتو په وړاندې کولو او ښاري پراختیا خبرې وشوې
۱۴۴۶/۰۸/۰۶
د کور او ښار جوړولو وزارت محترم سرپرست وزیر الحاج شیخ حمدالله نعماني د میدان وردګ ولایت د کور او ښار جوړولو له محترم رئیس مولوي عبدالقیوم سیف العمر او په مرکز د اقتصادي زونونو د پارختیا محترم رئیس الحاج محمد مسعود سره وکتل او په ځینو مهمو موضوعاتو یې خبرې وکړې.
د میدان وردګ ولایت د کور او ښار جوړولو ریاست محترم رئیس مولوي عبدالقیوم سیف العمر په دغه ولایت کې د شته ښاري ستونزو، اړتیاوو، او وړاندیزونو په اړه معلومات وړاندې کړل.
ښاغلي مولوي سیف العمر وویل، اړتیا ده چې، په یاد ولایت کې شته اقتصادي پارک پاتې چارې بشپړې او ګټې اخیستنې ته وسپارل شي او نورې پراختیایي پروژې هم پلي شي.
ورپسې د اقتصادي زونونو د پراختیا محترم رئیس الحاج محمد مسعود او ورسره پلاوي یې په میدان وردګ ولایت کې د شته اقتصادي پارک د سرته رسېدلو چارو او پاتې چارو په اړه معلومات وړاندې کړل او د پراختیایي بودیجې غوښتنه یې وکړه.
د کور او ښار جوړولو وزارت محترم سرپرست وزیر الحاج شیخ حمدالله نعماني وویل، پر یوه طرحه دې کار وشي چې، له واقعیت سره برابره وي او په عملي ډګر کې اغېزمنه وي، بیا به یې په اړه پرېکړه وکړي.
د کور او ښار جوړولو وزارت هڅې کوي چې له ځمکو د ګټورې او اغېزمنې استفادې په موخه منظم پلانونه جوړ او پلي کړي
