لغمان ولایت کې عملاً راستانه شوو اړمنو مهاجرو کورنیو ته د نمرو د وېش بهیر پیل شو
۱۴۴۷/۶/۲۰
د اسکان دایمي کمېټې په مشرۍ د کور او ښار جوړولو وزارت، د خپلو فعالیتونو په بهیر کې دا ځل په لغمان ولایت کې عملاً راستانه شوو اړمنو مهاجرو کورنیو ته د نمرو د وېش بهیر پیل کړ.
د کور او ښار جوړولو وزارت محترم وزیر الحاج مولوي نجیب الله حیات حقاني، ټینګار کوي، چې د منظور شوي پلان لرونکو ښارګوټو د نمرو د وېش بهیر دې هغه اړمنو مهاجرو کورنیو ته ژر تر ژره پیل شي، چې د اړوند ولایت له لوري یې تائیدي راغلي وي.
لغمان ولایت کې د کور او ښار جوړولو ریاست وایي، په کافرګله ښارګوټي کې یې اړمنو کورنیو ته د ځمکو د وېش بهیر عملاً پیل کړ.
یاد ریاست وایي، دوی په لومړي ګام کې هغه پنځه څلوېښت کورنیو ته پنځه بسوه یي، لس بسوه یي او پنځلس بسوه یي نمرې ووېشلې چېد لیست له مخې یې د کورنۍ شمېر پنځه، لس یا پڼځلس دي.
د ا.ا.ا د مهاجرینو د ښارګوټو اړوند د ټولګټو چارو رغونه او ابادي هم په خپلو مټو کوي او په دغه برخه کې یې د کور او ښار جوړولو وزارت ملاتړ کړی دی، چې له مخې یې لارې او کوڅې، د څښاک اوبه، مساجد او ګام په ګام نور اړین ځایونه جوړېږي.
