لغمان ولايت کې له ۱۰۰ زره جريبه څخه زیاته دولتي ځمکه سروې او ثبت شوه
ښار جوړولو او ځمکو وزارت په لغمان ولايت کې ۱۵۸۱۹۴ جريبه سپینه دولتي ځمکه او د دولت تر استفادې لاندې عامه ملکيتونه سروې او ثبت کړل.
په دې کې ۱۴۳۰۵۰ جريبه سپینه دولتي ځمکه او ۱۵۱۴۴ جريبه دولتي املاک دي چې په ۲۵۶ قطعو کې د لغمان په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر اوسه د هېواد په ۲۸ ولايتونو کې په ۵۲۹۲ قطعو کې ۴ ميليونه ۵۶۹ زره او ۱۰۲ جريبه دولتي ځمکه او املاک سروې، نقشه او ثبت کړي دي.
