د کور او ښار جوړولو سرپرست وزیر په قصبه کې د امارات او نورو ښار ګوټو څخه لیدنه وکړه
۱۴۴۴/۰۴/۰۴ د کور او ښار جوړولو محترم سرپرست وزیر مولوي حمدالله نعماني د دې وزارت له یو شمېر ریسانو او مسؤلینو سره په ګډه د کابل په قصبه کې د شیخ زاید (امارات) او نورو ښار ګوټو څخه لیدنه وکړه. ښاغلي سرپرست وزیر په دغه لیدنه کې د امارات ښارګوټی له نږدې ولید، د وضعیت ارزونه یې وکړه او هلته د شته اسانتیاوو، ستونزو او پلانونو په اړه یې خبرې وکړې. د کور او ښار جوړولو وزارت د عوایدو رئیس مولوي ذاکرالله وایي، د شاوخوا اته کاله په تېرېدو سره لا هم د شیخ زاید (امارات) ښارګوټي اوسېدونکو خپل پاتې قسطونه، نه دي تاویل کړي او ورځ بلې ته یې ځنډوي. د شیخ زاید (امارات) ښارګوټي له ټولو اوسېدونکو غوښتنه کېږي، چې ژر تر ژره دې پاتې قسطونه ورکړي او خپل مسؤلیت دې اداء کړي.
