د کابل ښار په پراختیاي پلان کې د لوړپوړیزو او لږ پوړیزو ودانیوپه اړه بحث وشو
۱۴۴۵/۷/۲۴
د ا.ا.ا د محترمې کابینې د (۱۲)مې ګڼې مصوبې پر اساس د کور او ښار جوړولو وزارت محترم سرپرست وزیر شیخ حمدالله نعماني په مشرۍ او د اطلاعات او فرهنګ او د کرنې، اوبو لګولو او مالدارۍ وزارتونو او د چاپیریال ساتنې ملي ادارې، د ښاري اوبو رسولو او فاضله اوبو امارتي شرکت او کابل ښاروالۍ د محترمو استازو په ګډون ناسته وکړه.
په ناسته کې د کور او ښارجوړولو وزارت او د کابل ښاروالۍ له لوري د کابل ښار پراختیا او په کې د لوړپوړیزو او لږ پوړیزو ودانیو د شرعي اصولو او ښاري هستوګنې په معیارونو بحث وشو او نظرونه شریک شول.
په غونډه کې پریکړه وشوه، چې یاد موضوعات دې د اړوندو ادارو سره شریک شي او په دې اړه دې دقیقّه مطالعه او څیړنه وکړي، چې په بله ناسته کې دې اړوندې ادارې خپل نظرونه شریک کړي.
