د کابل–بګرام سړک او د لابراتوار ودانۍ د چارو له بهیر څخه څارنه وشوه
۱۴۴۸/۲/۲۹
د کور او ښار جوړولو وزارت د کیفیت کنټرول او ښاري سرغړونو ته د رسېدنې عمومي ریاست اړوند د لابراتوار ریاست، د کابل–بګرام سړک او د لابراتوار د نوې ودانۍ د روانو ساختماني چارو له بهیر څخه تخنیکي لیدنه او څارنه ترسره کړه.
د یادې څارنې پر مهال د لابراتوار ریاست د رئیس او اړوند تخنیکي ټیم له لوري د دواړو پروژو روانې چارې وکتل شوې او د کار د کیفیت، تخنیکي معیارونو او اړوندو اصولو د رعایت په اړه لازمې ارزونې ترسره شوې.
په پای کې، د لابراتوار ریاست د مسئولینو له لوري د قراردادي شرکت مسئولینو ته سپارښتنه وشوه، چې د پروژو ټولې ساختماني چارې د منظور شوو تخنیکي اسنادو، ټاکل شویو معیارونو او اړوندو اصولو سره سمې ترسره کړي او د کار پر مهال د کیفیت د معیارونو رعایت ته جدي پاملرنه وکړي.
