د پکتیکا ولایت په مرکز ښرنه کې د غیرقانوني فعالیتونو د مخنیوي په موخه څارنه ترسره شوه
۱۴۴۷/۱۰/۱۵
د ښاري نظم د تأمین او د غیرقانوني فعالیتونو د مخنیوي په موخه، د ښاري تخلفاتو ته د رسیدنې ریاست تخنیکي ټیم له لوري، د مرکز ښرنې په بازار کې د غزني پر مسیر ساحوي څارنه ترسره شوه.
دغه څارنه د کور او ښار جوړولو وزارت اړوند د ښاري سرغړونو د مخنیوي او د پروژو پر تطبیق د څار محترم عمومي ریاست د هدایت پر بنسټ ترسره شوه.
د څارنې په جریان کې څرګنده شوه، چې په یوې ساحه کې په غیرې قانوني ډول په خپل سرهټۍ جوړیدې چې داعمل د نافذه اصولو او مقرراتو خلاف و.
د موضوع د تثبیت وروسته، متخلف کس ته لازمي لارښوونې ورکړل شوې او په جدي توګه ورته وویل شول، چې تر هغه وخته پورې چې رسمي جواز ترلاسه نه کړي، هېڅ ډول فعالیتونه ترسره نکړي.
همدارنګه، نوموړي ته سپارښتنه وشوه، چې د قانوني مراحلو بشپړولو وروسته کولای شي خپل فعالیتونه په قانوني چوکاټ کې پرمخ یوسي.
ټاکل شوې ده، چې یاد مورد د دوامداره څارنې لاندې وي، او د اصولو رعایت یې ډاډمن شي، څو په راتلونکي کې د ورته سرغړونو مخه ونیول شي.
