د هېوادوالو بلاکونو د مالکانو او د یو شمېر نورو هېوادوالو ستونزې وارېدل شوې
۱۴۴۴/۰۱/۲۵
د ښار جوړولو او ځمکو وزارت محترم سرپرست وزیر مولوي حمدالله نعماني د کابل ښار په اتمه ناحیه رحمن مېنه کې د هېوادوال بلاکونو د مالکانو او د یو شمېر نورو هېوادوالو ستونزې واورېدې او د حل لپاره یې اړوندو مسؤلینو ته لازمې لارښوونې وکړې.
په ناسته کې لومړی د هېوادوال هستوګنیز بلاکونو مالکانو د چارو پیل، دوام او پای او دغه راز د ترمیم په اړه معلومات وړاندې کړل او د شته ستونزو د حل په موخه یې د وزارت د همکارۍ غوښتنه وکړه.
د ښار جوړولو او ځمکو وزارت محترم سرپرست وزیر مولوي حمدالله نعماني د ستونزو له اورېدو وروسته د وزارت اړوندو مسؤلینو ته لارښوونه وکړه، چې د هېوادوال هستوګنیز بلاکونو له مالکانو دې یوه اندازه پیسې له مخکې واخیستل شي او د یادو بلاکونو ترمیم دې پیل شي.
دغه راز د نورو هېوادوالو ستونزې او غوښتنې واورېدل شوې او د حل برخه کې یې اړوندو مراجعو ته سپارښتنې وشوې.
