د ننګرهار د کډوالو او بېرته راستنېدونکو چارو ریاست اداري کمپلکس رغنیزې چارې پایته ورسېدې
ښارجوړولو او ځمکو وزارت د ننګرهار ولایت د کډوالو او بېرته راستنېدونکو چارو ریاست اداري کمپلکس رغنیزې چارې بشپړې او ګټې اخیستنې ته یې وسپارله.
دا کمپلکس په ۳۰۴ متر مربع ځمکه کې په درې پوړونو چې ۱۵ کاري دفترونه، ۳ پخلنځي، د محافظینو خونه، ۸ عصري تشنابونه او د احاطې دیوال لري د ۲۰ میلیونه او ۹۷۳ زره افغانیو په ارزښت د ثبات ټینګښت ملي برنامې له لارې په معیاري ډول جوړ شوی دی.
ښارجوړولو او ځمکو وزارت د ولایاتو په مرکزنو او ولسوالیو کې د بنسټیزو پروژو په تطبیق سره؛ سیمه ایزه حکومتولي پیاوړې کړې او د ټولګټو تاسیساتو په جوړولو یې خلکو ته د خدماتو رسولو کچه هم لوړه کړې ده.
###
