د فراه په ولايتي روغتون کې دوه انتظارخونې جوړې شوې
ښار جوړولو او ځمکو وزارت د ناروغانو لپاره د اسانتياو رامنځته کولو په موخه د فراه په ولايتي روغتون کې دوه انتظارخونې جوړې کړي او ډير ژر به ګټې اخېستنې ته وسپارل شي.
هره يوه انتظار خونه په ۳۵۶ متر مربع ځمکه کې په يو پوړيز ډول په ۱۴ ميليونه ۲۰۰ زره افغانۍ جوړه شوې چې د جمهوري رياست عالي مقام د چارو ادارې له عملياتي واحد بوديجې څخه ورکول شوي. د دې انتظار خونې په جوړېدو سره به نه يوازې د فراه ولايت په روغتون کې د انتظار خونې د نهشتون له امله رامنځته شوې ستونزې حل شي، بلکې د روغتيا په برخه کې به ارامه او مناسب چاپېريال هم برابر شي.
