د خیرو کاریز د تفصیلي پلان پاتې چارې پیل شوې
۱۴۴۵/۱۱/۲۵
ارزګان ولایت کې د کور او ښار جوړولو ریاست محترم رئیس مولوي روح الله ابو احمد وایي، تخنیکي ټیم یې د خیرو کاریز د تفصیلي پلان په پاتې چارو کار پیل کړ.
ښاغلی مولوي روح الله ابو احمد وایي، د ارزګان ولایت د کور او ښارجوړولو ریاست او د دغه ولایت د ترینکوټ ښاروالۍ ریاست له لوري یې عملاً چارې پیل شوې.
د نوموړي په خبره، د خیرو کاریز تفصیلي پلان چې په تېر کې چارې نږدې (%90) تطبیق شوې وې، او پاتې (%10) لس سلنه چارې یې اوس پیل شوې، چې ورسره به د ترینکوټ ښار سیاسي، ټولنیز، اقتصادي، او کلتوري بدلونونو او دغه راز د خلکو د هوساینې او د معیاري ښار د جوړېدو لامل وګرځي.
د کور او ښار جوړولو وزارت د اړتیا سره سم د هرې سیمې، ولسوالۍ، ښار او نورو برخو لپاره تفصیلي پلانونه جوړوي چې د عملي کېدا لپاره یې اړوندو ښاروالیو، خصوصي سکتور او یا هم په ځینو برخو کې په خپله تطبیق او عملي کوي.
