د افغانستان د ودانیز صنعت، ساختماني چارو او بیارغونې څلورم نړیوال نندارتون ته د ګډون بلنه!
د کور او ښار جوړولو وزارت د هېواد له ټولو ودانیزو شرکتونو، پانګوالو، تولیدوونکو، سوداګرو، مسلکي بنسټونو او د ودانیز سکتور غړو ته بلنه ورکوي، چې د افغانستان د ودانیز صنعت، ساختماني چارو او بیارغونې په څلورم نړیوال نندارتون کې ګډون وکړي.
دغه نړیوال نندارتون د کورنیو او بهرنیو شرکتونو، سوداګریزو پلاوو، پانګوالو او د ودانیز سکتور د متخصصینو او فعالانو د ګډون په موخه جوړېږي. دا نندارتون د ودانیزو محصولاتو او نوښتونو د معرفي کولو، د پانګونې د فرصتونو د پېژندلو، د سوداګریزو اړیکو او همکاریو د پراختیا او د مسلکي تجربو د تبادلې لپاره یو مهم فرصت دی.
د کور او ښار جوړولو وزارت له ټولو اړوندو شرکتونو، پانګوالو او د ودانیز سکټور له فعالانو څخه غوښتنه کوي، چې په دغه نندارتون کې په فعال ګډون سره د هېواد د ودانیز صنعت د پیاوړتیا، د پانګونې د فرصتونو د پراختیا او د ساختماني سکټور د پرمختګ په برخه کې خپله ونډه واخلي.
د افغانستان د ودانیز صنعت څلورم نړیوال نندارتون (REBUILD AFG EXPO 2026)
وخت: ل ۱۴۴۸/۶/۱۳ تر ۱۴۴۸/۶/۱۸پورې
ځای: د افغانستان د نړیوالو نندارتونونو مرکز، حضوري چمن ، کابل
د اړیکې شمیرې:
0706722500 | 0789208500
