د افغانستان بانک د ترمیماتي چارو له بهیر څارنه وشوه
۱۴۴۶/۱۱/۲۱
د غزني ولایت د کور او ښار جوړولو ریاست تخنیکي ټيم د افغانستان بانک د غزني څانګې د ترمیماتي پروژې له روانو چارو څخه نږدې لیدنه او تخنیکي څارنه وکړه.
غزني کې د کور او ښار جوړولو ریاست محترم رئیس مولوي نور ولي بلال متقي وایې، دا لیدنه په داسې حال کې ترسره شوه چې د یادې ودانۍ د داخلي دېوالونو د رنګمالۍ چارو دوام درلود.
ښاغلی مولوي متقي وایې، د څارنې په مهال د ریاست انجنیري ټيم د ساختماني کیفیت د تأمین، د رنګمالۍ د اصولو مراعات، او د کارونو پر وخت بشپړېدو باندې جدي تمرکز درلود.
نوموړی وایې، تخنیکي ټيم یې اړوند قراردادي شرکت ته لازمې لارښوونې وکړې، څو ټولې چارې د قرارداد مطابق، له تخنیکي معیارونو سره سم او د ټاکل شوې نېټې تر ختمېدو وړاندې بشپړې شي.
د کور او ښار جوړولو ریاست ټینګار کوي، چې ښاري او دولتي تاسیسات باید له هره اړخه د کیفیت، خوندیتوب او دوامدارۍ له مخې معیاري وي.
