فراه ولايت کې د ښځو لپاره د يو ښوونځي د جوړېدو چارې پيل شوې
ښار جوړولو او ځمکو وزارت د فراه ولايت د پشت کوه ولسوالۍ په مطبخ قريه کې د ښځينهو اته صنفي ښوونځي د ودانۍ جوړولو چارې پيل کړې.
دا ښوونځی په ۶۰۰ متر مربع ځمکه کې په دوه پوړيز ډول په ۱۷ ميلیونه ۹۰۰ زره افغانۍ جوړيږي چې لګښت يې د ښار جوړولو او ځمکو وزارت له انکشافي بوديجې څخه ورکول کيږي.
ټاکل شوې ښار جوړولو او ځمکو وزارت د روان لمريز کال په لړ کې شاوخوا ۱۰۰ ښوونځي د پېش ساخت قطعاتو د توليد فابريکې په وسيله جوړ کړي، څو په هېواد کې د ښوونيزو پروګرامونو د تطبيق لپاره زمينه برابره شي.
