د کابل ښار په دولسمه ناحیه کې د سړک د مسیر د بدلون په اړه تخنیکي څارنه ترسره شوه
۱۴۴۷/۱۱/۲۹
د کور او ښار جوړولو وزارت د ښاري تخلفاتو د مخنیوي د عمومي ریاست اړوند د ښاري سرغړونو د مخنیوي ریاست تخنیکي ټیم له لوري د کابل ښار د دولسمې ناحیې د (احمد شا بابا مینې) له ساحې څخه ساحوي څارنه ترسره شوه.
یاده څارنه د سیمې د اوسېدونکو د رسمي شکایت پر بنسټ ترسره شوه، چې پکې د ښاروالۍ له لوري د سړک د مسیر د بدلون موضوع مطرح شوې وه.
د څارنې پر مهال د سیمې له اوسېدونکو او د ګذر وکیل سره له نږدې خبرې وشوې او د هغوی نظرونه او اندېښنې واورېدل شوې.
د یادې موضوع د حل لپاره به د خلکو اندېښنې او ټول حقوقي او تخنیکي موضوعات د اړوندې ادارې سره په ګډه، د بشپړې همغږۍ او مشورې له لارې وڅېړل شي، څو د قانوني اجراآتو په رڼا کې منظمه ښاري پراختیا تأمین او خلکو ته لازمې اسانتیاوې برابرې شي.
