د هېوادوالو ستونزو د حل لپاره دې پر وخت اقدام وشي
10/11/1443
د ښار جوړولو او ځمکو وزارت محترم سرپرست وزیر مولوي حمدالله نعماني له بېلا بېلو ولایتونو څخه راغلو هېوادوالو سره وکتل او د ستونزو د حل په موخه یې ورسره بحثونه وکړل.
لومړی راغلو خلکو د خپلو سیمو او ښارونو په تړاو ستونزې او ننګونې له محترم وزیر سره شریکې کړې او د حل برخه کې یې د همکارۍ غوښتنه وکړه.
د ښار جوړولو او ځمکو وزارت محترم سرپرست وزیر مولوي حمدالله نعماني د هېوادوالو د ستونزو د حل په موخه د وزارت مسؤلینو ته لارښوونه وکړه چې پر وخت اقدام وکړي.
ښاغلي وزیر راغلو هېوادوالو ته ډاډ ورکړ چې د وزارت اړوندو ستونزو د حل په موخه به یې مسؤلین پر وخت ګام پورته کوي او په دغه برخه کې به اړینې چارې ترسره کړي.
