د ښار جوړولو او ځمکو وزارت ښاغلي سرپرست مولوي حمد الله نعماني له یو شمېر هېوادوالو سره وکتل

24/12/1400هـ، ش

د ښار جوړولو او ځمکو وزارت ښاغلي سرپرست مولوي حمد الله نعماني له بېلا بېلو ولایتونو راغلو کسانو سره وکتل، د هغوی ستونزې او غوښتنې یې واورېدې.

راغلو هېوادوالو په خپلو ولایتونو کې د ځمکو او ښارګوټو اړوند ستونزې او شکایتونه له وزیر صاحب سره شریک کړل او د اسنادو په ښکاره کولو یې دلایل وړاندې کړل.

د ښار جوړولو او ځمکو وزارت ښاغلي سرپرست مولوي حمد الله نعماني راغلو کسانو ته لازمې لارښوونې وکړې چې څنګه کېدای شي رامنځته شوې ستونزې ژر حل شي.

دغه راز ښاغلي مولوي نعماني د وزارت اړوند مسؤلینو ته سپارښته وکړه کې چې د ځمکو او ښارګوټو برخه کې د رامنځته شوو ستونزو په اړه دې بشپړ مالومات راټول او د هغې په رڼا کې دې له قانون سره سم اقدامات وکړي.

راغلو کسانو د وزیر صاحب له پر وخت اقداماتو او د چارو د نه ځنډ له کبله خوښي وښوده.