بدخشان کې د یوې دینې او یوې تعلیمي پروژې رغنیزې چارې دوام لري
ښارجوړولو او ځمکو وزارت د رغنیزو پروژو د تطبیق په دوام د بدخشان ولایت په جرم ولسولۍ کې د سوچ مدرسې او په یمګان ولسوالۍ کې د نشي و قلات ښوونځي رغنیزې چارې تر کار لاندې لري.
د جرم ولسوالۍ سوچ مدرسه په ۵۸۹ متر مربع ځمکه کې په دوه پوړونو د ۲۵ میلیونه افغانیو په ارزښت جوړیږي چې رغنیزې چارې یې ۲۵ سلنه بشپړې شوي او همداراز د یمګان ولسوالۍ نشي و قلات ښوونځی په ۴۲۰ متر مربع ځمکه کې په دوه پوړونو د ۲۲ میلیونه افغانیو په ارزښت په پاخه او اساسي ډول جوړیږي.
ښارجوړولو او ځمکو وزارت په ورستیو درې کلنو کې په هېواد کې د ۱۰۳۰ رغنیزو پروژو چارې پیل کړي چې له دې ډلې د ۱۵۰ پروژو چارې بشپړې شوي، ۴۰۰ پروژې تر کار لاندې دي او پاتې یې په سروې، ډیزاین او تدارکاتي مرحله کې دي.
###
