فاریاب کې د دوه تعلیمي پروژو رغنیزې چارې پایته ورسېدې
ښارجوړولو او ځمکو وزارت د فاریاب ولایت په دولت آباد ولسوالۍ کې د عبدالرحمن شهید اته صنفي ښوونځي او همداراز د دې ولایت په پشتون کوټ ولسوالۍ کې د چهار توت ۱۰ صنفي ښوونځي رغنیزې چارې بشپړې او ګټې اخیستنې ته یې وسپارل.
د عبدالرحمن شهید ښوونځی په ۵۴۲ متر مربع ځمکه کې په دوه پوړونو د ۲۵ میلیونه او ۱۰۰ زره افغانیو او همداراز د چهار توت ښوونځی په ۵۸۲ متر مربع ځمکه کې په دوه پوړونو د ۲۶ میلیونه او ۵۰۰ زره افغانیو په ارزښت د پوهنې وزارت له پراختیايي بودیجې جوړ شوی دی.
ښارجوړولو او ځمکو وزارت د تعلیمي او پراختیايي پروژو په تطبیق سره هېوادوالو ته په بېلابېلو برخو کې د اساسي خدماتو کچه لوړه کړې او خلکو ته لازمې اسانتیاوې برابروي.
###
