پنجشیر کې د دوه ټولګټو پروژو رغنیزې چارې دوام لري
ښارجوړولو او ځمکو وزارت د پنجشیر ولایت د حصه اول ولسوالۍ په سفید چهر کلي کې د عمر بن خطاب مدرسې د لیلیې رغنیزې چارې ۱۳ سلنه او د دې ولایت په حصه اول ولسوالۍ په عمرض کلي کې د مارشال محمد قسیم فهیم دارالعلوم لیلیې رغنیزې چارې ۹ سلنه بشپړې کړي دي.
د عمر بن خطاب مدرسه په ۵۶۰ متر مربع ځمکه کې په دوه پوړونو د ۱۸ میلیونه او ۵۰۰ زره افغانیو او د مارشال محمد قسیم فهیم دارالعلوم لیلیه په ۵۲۸ متر مربع ځمکه کې په دوه پوړونو د ۱۹ میلیونه او ۱۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
ښارجوړولو او ځمکو وزارت په هېواد کې د ملي او ټولګټو پروژو په تطبیق سره ژمن دی چې د ښاریانو او لرې پرتو سیمو خلکو په ټولنیز ژوند کې اسانتیاوې رامنځته کړي.
###
