پنجشیر کې د تعلیمي او دیني دوه پروژو رغنیزې چارې دوام لري
ښارجوړولو او ځمکو وزارت د پنجشیر ولایت په عنابه ولسوالۍ کې د استاد بهرمند ښوونځي د کنفرانسونو تالار رغنیزې چارې ۱۷ سلنه او د دې ولایت د درې ولسوالۍ په عبدالله خېلو کلي کې د عبدالله خېلو د فاتحې سالون رغنیزې چارې ۲۷ سلنه بشپړې کړي دي.
د استاد بهره مند ښوونځي د کنفرانسونو تالار په ۱۰۵ متر مربع ځمکه کې په یو پوړ د ۲ میلیونه او ۹۰۰ زره افغانیو او د عبدالله خېلو فاتحې سالون په ۲۶۳ متر مربع ځمکه په یو پوړ د ۴ میلیونه او ۹۰۰ زره افغانیو په ارزښت د ښارجوړولو او ځمکو وزارت د پراختیايي بودیجې جوړیږي.
ښارجوړولو او ځمکو وزارت د تعلیمي او پراختیايي پروژو د رغنیزو چارو په ګړندي کولو سره، په بېلابېلو برخو کې هېوادوالو ته د اساسي خدماتو کچه لوړه کړې او خلکو ته یې لازمې اسانتیاوې رامنځته کړې دي.
###
