د پکتيا د څمکنۍ ولسوالۍ اداري کمپلکس ورغول شو
د ښار جوړولو او ځمکو وزارت د ثبات تحکيم ملي برنامې له لارې د پکتيا ولايت د څمکنۍ ولسوالۍ اداري کمپلکس د جوړولو چارې بشپړې کړې او ګټې اخېستنې ته يې وسپارله.
دا ودانۍ په ۴۹۰ متر مربع ځمکه کې په درې پوړيز ډول چې ۱۷ کاري خونې، يو د غونډو تالار، يو پخلنځای، يو ګودام او ۹ تشنابونه لري، د دولت له انکشافي بوديجې څخه په ۱۷ ميلیونه ۹۶۶ زره افغانيو ورغول شوه.
ښار جوړولو او ځمکو وزارت د بېلابېلو ولايتونو په مرکزونو او ولسواليو کې تر اوسه ۱۲۹ اداري ودانۍ رغولي او هلته د موجودو کارکوونکو لپاره يې د کار مناسب او ارام چاپېريال زمينه برابره کړې ده.
