ښارجوړولو او ځمکو وزارت کارکوونکو ته د کرونا واکسین تطبیق شو
د ښارجوړولو او ځمکو وزارت د رهبرۍ مقام په غوښتنه نن چهارشنبه د چنګاښ دويمه د عامې روغتيا وزارت د کرونا واکسین ټيم له لوري د ښارجوړولو او ځمکو وزارت کارکونکو ته د کرونا واکسین د تطبیق لړۍ پیل شوه. دا واکسین پر کرونا ناروغۍ د کارکوونکو د اخته کېدو د مخنیوي په موخه تطبیق کېږي.
د ښارجوړولو او ځمکو وزارت چارواکي د عامې روغتيا وزارت له لوري د دې واکسین د تطبیق هرکلی کوي وايي، د کرونا واکسین تطبیق د کارکوونکو لپاره خورا ډېر مهم دی او کارکوونکو ته د روغتيايي لارښونو د مراعاتلو سپارښتنه وکړه.
د ويلو ده چې د دې برنامې له لارې به هره ورځ د ښارجوړولو او ځمکو وزارت ۲۰۰ کارکوونکو ته د کرونا واکسین تطبیق او دا لړۍ به ټولو کارکوونکو ته د یاد واکسین تطبیق پورې دوام وکړي.
