په کندوز ولايت کې د عبدالحکيم ښوونځي ودانۍ نږدې بشپړېدونکې ده
ښار جوړولو او ځمکو وزارت د کندوز ولايت په اقتاش ولسوالۍ کې د عبدالحکيم ښځينهو ابتدائیه ښوونځي لپاره د ودانۍ جوړولو چارې ۹۷ سلنه بشپړې کړي او ډېر ژر به ګټې اخېستنې ته وسپارل شي.
دا ودانۍ په ۲۳ ميلیونه ۸۰۰ زره افغانيو د ښار جوړولو او ځمکو وزارت د عامه او دولتي ساختمانونو د برنامې له لارې په معياري ډول رغول کيږي.
د ښځينهو لپاره د دې ښوونځي ودانۍ په جوړېدو سره به په سيمه کې د نجونو زدهکوونکو په ښوونيز ډګر کې پراختيا راشي او نورې کورنۍ به هم وهڅيږي چې خپل بچيان ښوونځي ته واستوي.
