په کابل کې يو ۱۲ صنفي ښوونځي لپاره ودانۍ ورغول شوه
ښار جوړولو او ځمکو وزارت د کابل په ۲۱مه ناحيه کې د حاجي جنت ګل نمبر يو ښوونځي لپاره د ودانۍ جوړولو چارې بشپړې کړې او ګټې اخېستنې ته يې وسپارله.
د ښوونځي دا ودانۍ په ۹۷۱ متر مربع ځمکه کې په دوه پوړيز ډول د پوهنې وزارت له انکشافي بوديجې څخه په ۲۵ ميلیونه ۶۱۹ زره افغانيو ورغول شوه.
ښار جوړولو او ځمکو وزارت د پېش ساخت قطعاتو د توليد فابريکې له لارې په روان کال کې تر اوسه د هېواد په بېلابېلو ولايتونو کې ۷۵ ښوونځيو لپاره ودانۍ جوړې کړي دي او دا لړۍ لا هم دوام لري.
