په ښاري پلانونو کې د کرنیزو ځمکو پر تعدیل خبرې وشوې
۱۴۴۶/۴/۱۹
د کور او ښار جوړولو وزارت د ښاري چارو د مرستیال محترم شیخ مدار علي کریمي بامیاني په مشرۍ د ښاري نقشو د ویزه کولو کمیسیون په ښاري پلانونو کې د کرنیزو ساحو پر تعدیل، د تیلو او ګازو د پمپ سټیشنونو پرجوړیدو بحث او نظرونه شریک شول.
په ناسته کې د کرنیزو ځمکو تعدیل پر سوداګریزو او همدارنګه د ستراتیژیک پلان پر وړاندې د کرنیزو ځمکو پر ننګونو خبرې وشوې او نظرونه شریک شول.
ښاغلي بامیاني وویل، په کار ده چې د ښارونو په ستراتیژیکو پلانونو کې اصلاحات راوړل شي او هغه کرنیزې ځمکې چې ښاري پراختیا د ستونزو سره مخ کوي، غوره ده چې په ښاري پلانونو کې د کرنیزې ځمکې په توګه ونه نیول شي، چې په دې اړه به د وزارت په رهبري غونډه کې لازمه پریکړه وشي.
همدا راز په دې ناسته کې په ولایتونو کې د تیلو د پمپ سټیشنونود موقیعت په اړه خبرې وشوې او ټول اسنادونه بررسي شول.
د ناستې په پای کې پر دې ټینګار وشو، چې دتیلو د پمپ شټيشنونو مالکین دې د فعالیت په وخت کې ټول نافذه قوانین په پام کې ونیسي تر څو په راتلونکې کې د ستونزو سره مخ نشي.
