په پروان کې د ترکمنستان ۵۰۰ کیلوولټه بریښنا پروژې په مسیر کې د ملکیتونو استملاک او د مالکیت حق تثبیت چارې بشپړې شوې
ښارجوړولو او ځمکو وزارت په پروان ولایت کې د ترکمنستان ۵۰۰ کیلوولټه بریښنا د ۱۷۵ ستنو د نصب لپاره د مالکیت حق تثبیت چارې او د استملاک په موخه د قمیت ګذارۍ چارې پایته ورسولې.
له دې رقم څخه، ۱۵۲ ستنې په دولتي ځمکه کې او پاتې ۲۳ نور یې د خلکو په شخصي ځمکو کې تثبیت شوي دي. د ۱۷۵ ستنو د نصب مسیر د سالنګ ولسوالۍ څخه د پروان ولایت تر خلازائي سیمې پورې دی. د ترکمنستان د ۵۰۰ کیلو ولټه بریښنا پروژې له تطبیق سره چې د اسیا پراختیايي بانک د ۶۰ میلیون ډالرو په مرسته سر ته رسیږي جوزجان، بلخ، بغلان، کابل، لوګر، ننګرهار، کنر، غزنى، ميدان وردک او قندهار ولایتونه به د بریښنا له انرژۍ څخه برخمن شي.
