په نورستان ولایت کې د سیلانیانو لپاره د هوټل ودانیزې چارې وڅارل شوې
۱۴۴۶/۳/۲۹
د نورستان ولایت د کور او ښار جوړولو ریاست محترم رئیس مولوي رحیم الله برهاني وایي، د دې ریاست د مهندسۍ او انجنیرۍ امر انجنير زلمي په ملتیا یې د اطلاعاتو او کلتور ریاست اړوند د سيلانیانو لپاره د هوټل د پروژې څخه څارنه تر سره کړه.
ښاغلي مولوي برهاني وویل، چې په ساحه کې ديادې پروژې د دویم پوړ د خشتکارۍ کارونو جریان درلوده چې کارونه یې د نقشې مطابق روان ول او قراردادي شرکت ته لازمې سپارښتنې وشوې تر څو کارونه په ټاکلي نیټه پای ته و رسوي.
د کور او ښار جوړولو وزارت تخنیکي ټیمونه په مرکز او ولایتونو کې د پروژو له چارو څارنه کوي، تر څو چارې د نقشې مطابق تر سره شي.
