په لوګر ولایت کې د ۱۰۰ جریبه دولتي ځمکې له غصب مخنیوی وشو
۱۴۴۳/۰۹/۲۲
د ښار جوړولو او ځمکو وزارت د لوګر ریاست مسؤلینو د یوې کمېټې په وسیله په دې وروستیو کې د شاوخوا (۱۰۰) جریبه دولتي ځمکې او ملکیتونو له غصب مخنیوی وکړ.
دغه اندازه ځمکه د لوګر ولایت په بره کي برک ولسوالۍ موقعیت لري چې د غصب لپاره یې اقدام شوی و.
په دغه ځمکو کې د اوسېدو کورونه ، د اوبو څاه ګانې او نور اقدامات شوي وو، چې د لوګر ولایت د ځمکو او ښار جوړولو ریاست د پر وخت ادقام له امله یې مخنیوی وشو.
د ښار جوړولو او ځمکو وزارت له ټولو دولتي ځمکو ساتنه کوي او چاته به اجازه ورنه کړي چې په بېلا بېلو نومونو دولتي ځمکې او ملکیتونو غصب کړي.
