په طلایي ښارګوټي کې د ښاري تخلفاتو پېژندلو په موخه پلټنه وشوه
۱۴۴۶/۵/۲
د کور او ښار جوړولو وزارت د ښاري تخلفاتو ریاست اړوند د ښاري سرغړونو د عامه پوهاوي امریت په کابل کې د طلایي ښارګوټي څخه لیدنه وکړه.
د یاد ریاست مسؤلینو په نوموړي ښارګوټي کې له وکیلانو او استازو سره د ښاري تخلفاتو مخنیوي په تړاو خبرې وکړې.
د ښاري تخلفاتو مخنیوي محترم رئیس مولوي عبدالمنان حقاني وایي، د کور او ښار جوړولو وزارت د محترم مقام په لارښوونه یې د طلایي ښارګوټي هر اړ خیزه څېړنه وکړه، او هغه مارکېټونه او ودانۍ چې په خپل سرې توګه او د نقشې خلاف جوړې شوي، په نښه شوې.
ښاغلي مولوي حقاني وویل، د دې ښارګوټي وکیلانو او استازو ته د ښاري سرغړونو او مخنیوي په موخه عامه پوهاوی وشو او متخلفینو ته لارښوونه وشوه، تر څو خپلو اسنادو سره مل د ښاري تخلفاتو مخنیوي ریاست ته مراجعه وکړي.
د ښاري تخلفاتو مخنیوی د کور او ښار جوړولو وزارت مسؤلیت دی، او دغه وزارت د خپلو ښاري پلانونو له ښه تطبیق څارنه کوي، چې د هر ډول ښاري تخلفاتو مخنیوی کوي.
