په سرپل کې د شاه چنار ښوونځي لپاره ودانۍ جوړه شوه
ښار جوړولو او ځمکو وزارت د سرپل ولايت په مرکز کې د نارينهو شاه چنار ښوونځي لپاره د ودانۍ جوړولو چارې بشپړې کړې او ګټې اخېستنې ته يې وسپارله.
د ښوونځي دا ودانۍ په ۶۱۸ متر مربع ځمکه کې په يو پوړيز ډول د کور جوړونې ادارې د پېش ساخت قطعاتو د توليد فابريکې په مرسته په ۱۹ ميلیونه افغانيو ورغول شوه.
ښار جوړولو او ځمکو وزارت د پېش ساخت قطعاتو د توليد فابريکې له عصري ټکنالوژۍ څخه په استفادې په روان کال کې تر اوسه د هېواد په بېلابېلو ولايتونو کې د ۷۵ ښوونځيو لپاره ودانۍ جوړې کړي دي.
