هرات ولايت کې د زنده جان ولسوالۍ ښوونځي د جوړېدو چارې به ژر بشپړې شي
ښار جوړولو او ځمکو وزارت د هرات ولايت په زندهجان ولسوالۍ کې د لس صنفي ښوونځي د ودانۍ جوړولو چارې تر ۹۰ سلنه رسيدلي او په نږدې راتلونکي به ګټې اخېستنې ته وسپارل شي. دا ښوونځی په ۹۰۶ متر مربع ځمکه کې په يو پوړيز ډول په ۱۴ ميلیونه ۷۰۰ زره افغانۍ جوړيږي چې لګښت يې د ښار جوړولو او ځمکو وزارت له انکشافي بوديجې څخه ورکول کيږي.
په دې ښوونځي کې ۵ تشنابونه، د لمريزې برېښنا سيسټم، د څښلو اوبو ژوره څاه او نورې اړينې اسانتياوې هم برابرې شوي دي. ښار جوړولو او ځمکو وزارت د ښوونځيو د ودانيو په جوړولو سره غواړي په ښوونيز ډګر کې زدهکوونکو او ښوونکو لپاره ارامه او مناسب چاپېريال برابر کړي.
