د کندهار په دامان ولسوالۍ کې د ښار ګوټي د خط اچولو چارې بشپړې شوې
۱۴۴۶/۲/۳۰
د کندهار ولایت د کور او ښار جوړولو ریاست محترم رئیس مولوي عبدالمتین سعید وایي، د کور او ښار جوړولو وزارت د محترم مقام د حکم په اساس د کندهار په دامان ولسوالۍ کې د ښار ګوټي د خط اچونې چارې پیل او بشپړې شوې.
ښاغلي مولوي سعید وویل، د دې ښاري ګوټي د ځمکې د هوارۍ او خط اچونې تر څنګ په یاد ښار ګوټي کې هستوګنیزې نمرې، سوداګریزه سیمه، لوبغالی، روغتیایي کلینیک ساحه، د مساجدو لپاره ځای او نورې ټولې چارې د نقشې مطابق په نښه او ځانکړې شوې.
د کور او ښار جوړولو وزارت د بې سرپاه هېوادوالو لپاره په مرکز او ولایتونو کې د مناسبې سرپناه د را منځته کولو په هڅه کې دی.
