د کابل ښار څلورمه ناحیه کې د سړک جوړولو پروژې د وضعیت ارزونه وشوه
۱۴۴۷/۹/۲۵
د کور او ښار جوړولو وزارت اړوند د ښاري سرغړونو د مخنیوي محترم ریاست تخنیکي ټیم له لوري د کابل ښار څلورمې ناحیې له لبجر ساحې څخه تر سرای شمالي پورې د سړک جوړولو د پروژې وضعیت یې له نږدې وڅاره.
دغه څارنه د ښاري سرغړونو د مخنیوي او د پروژو پر تطبیق د څار محترم عمومي ریاست په همغږۍ ترسره شوه.
د یادې پروژې په تړاو شکایت و، چې د سیمې د فاضله اوبو د ایستلو لپاره کانال نشته دی او باید ترتیب ورته برابر شي.
د نظارت په جریان کې یاده ساحه له نږدې وکتل شوه، د پروژې اړوند نقشې د مسؤلینو څخه ترلاسه شوې او د موضوع په اړه لومړني معلومات راټول شول، څو موضوع د اړوندو ادارو له لارې له مسؤلو مراجعو سره شریکه شي.
د ښار جوړولو د نافذه قوانینو او مقرراتو له مخې، د سړکونو د جوړولو په مهال باید د فاضله اوبو د ایستلو لپاره مناسبه ویاله یا کانال په پام کې ونیول شي، څو د راتلونکو ستونزو او د استوګنې سیمو د احتمالي زیانونو مخنیوی وشي.
