د ښارجوړولو او ځمکو وزارت د ترانسپورت برخې ستونزې و څېړل شوې
04/01/1401
د ښار جوړولو او ځمکو وزارت مالي او اداري مرستیال محترم حافظ محمد امین صاحب د دغه وزارت د ترانسپورت برخې څخه لیدنه وکړه.
د تحول وروسته د ښار جوړولو او ځمکو وزارت ډیری موټر قسماً خراب او له کاره لوېدلي چې د بیا فعالېدو په موخه یې د دغه وزارت مالي او ادارې مرستیال سپارښتنه وکړه چې شته ستونزې دې ډېر ژر حل شي.
ښاغلي حافظ محمد امین صاحب یادونه وکړه چې د ترانسپورت برخې شته ستونزې دې په درې کټه ګورۍ تقسیم او د حل لپاره دې لازم اقدامات وشي.
نوموړي د ترانسپورت برخې مسؤلینو خپلو دندو او مسؤلیتونو متوجه کړل او د موټر د بیا ترمیم برخه کې یې ورته لازمې لارښوونې وکړې، چې د ترانسپورت برخې مسؤلینو ورسره ژمنه وکړه چې راتلونکې اونۍ به شاوخوا شل موټر ترمیم او د فعالیت جوګه وګرځوي.
ورپسې ښاغلي مالي او اداري مرستیال د وزارت له چمن، ګلانو، زینتي چراغونو او د اوبو له فوارو لیدنه وکړه او د زرغونتیا په موخه یې مسؤلینو ته سپارښتنې وکړې.
نوموړي ټینګار وکړ چې باید چمن زرغون، ګلان تازه، چراغونه او د اوبو فوارې فعال وساتل شي.
