د میدان وردګ ولایت د ترانسپورتي ترمینل او د کوتل تخت د مهاجرینو بلاکونو له ودانیزو چارو څارنه وشوه
۱۴۴۷/۶/۲۴
د کور او ښار جوړولو وزارت، د صنعتي او اقتصادي زونونو د پراختیا محترم ریاست تخنیکي ټیم، د میدان وردګو ولایت په مرکز میدان ښار کې د دوو مهمو پروژو – د ښاري ترانسپورتي ترمینل او د کوتل تخت د مهاجرینو بلاکونو له ودانیزو چاروسره څارنه وکړه.
د یاد ریاست د معلوماتو له مخې، د پروژې د لومړۍ مرحلې کارونه چې په کې د احاطوي دیوال جوړول او د ساحې هوارول شامل دي، نږدې پای ته رسېدلي دي.
د احاطوي دیوال د سیلبرونو په برخه کې لا ځینې چارې نیمګړې دي او همدارنګه په نږدې سیمو کې د ځمکې کمپکشن بشپړ شوی نه دی.
ورپسې، د څارنې ټیم د کوتل تخت د مهاجرینو بلاکونو څخه لیدنه وکړه چې په دغو بلاکونو کې د میدان وردګو ولایت مقام له خوا مهاجرین ځای پر ځای شوي دي.
همدارنګه د PIN خیریه مؤسسې لخوا په بلاکونو کې یو لړ نوی کارونه ترسره شوي دي چې په کې د برېښنا رسولو سیستم، د څښاک اوبو ذخیرې، برېښنایي کړکۍ، او د اړینو تشنابونو جوړول شامل دي.
