د فراه ولایت په بکواه ولسوالۍ کې د روغتیایي کلینیک لپاره د ځمکې سکیچ او کروکي چمتو شو
۱۴۴۷/۰۷/۱۳
د فراه ولایت د کور او ښار جوړولو ریاست د لارښوونې پر اساس، د بکواه ولسوالۍ د شاګي کلي په مربوطاتو کې د یوه روغتیایي کلینیک د اعمار په موخه د ځانګړې شوې ساحې سکیچ او کروکي ترتیب شو.
د کور او ښار جوړولو ریاست تخنیکي پلاوي د پلان له مخې یادې سیمې ته سفر وکړ او هغه ځمکه یې له نږدې وکتله چې د سیمې د مشرانو له لوري د روغتیایي کلینیک د جوړېدو لپاره په وقفي ډول ځانګړې شوې ده. د ساحې د حدودو، موقعیت او فزیکي ځانګړتیاوو تر تثبیت وروسته، د کلینیک لپاره دقیق سکیچ او کروکي چمتو او اسناد یې بشپړ شول.
د فراه ولایت د کور او ښار جوړولو ریاست هڅه کوي چې د دولتي بنسټونو او ولسي همکاریو له لارې په لرې پرتو سیمو کې بنسټیزې اسانتیاوې برابرې کړي.
