باميان ولايت کې له ۱۰۰ زره جريبو څخه زياته دولتي ځمکه سروې او ثبت شوه
ښار جوړولو او ځمکو وزارت د دولتي ځمکو د بانک برنامې له لارې په باميان ولايت کې ۱۰۷۲۳۴ جريبه ځمکه او دولتي املاک سروې او ثبت کړل.
له دې ډلې څخه په ۵۶ قطعو کې ۶۴۲۷۵ جريبه سپينه دولتي ځمکه او په ۱۲۶ قطعو کې ۴۲۹۵۹ جريبه د دولت تر استفادې لاندې عامه ملکيتونه دي چې د باميان ولايت په مرکز او بېلابېلو ولسواليو کې موقعيت لري.
ښار جوړولو او ځمکو وزارت د هېواد په ۲۸ ولايتونو کې تر اوسه ۴ ميلیونه ۵۶۹ زره او ۱۰۲ جريبه ځمکه او دولتي املاک ثبت، نقشه او سروې کړي دي.
