خوست کې د ښاري پلانونو د تطبیق او ودانیزو چارو له بهیر څخه نظارت ترسره شو
۱۴۴۸/۴/۱۵
د خوست ولایت د کور او ښار جوړولو ریاست د نظارت او تخلفاتو د مخنیوي انجینري ټیم د دغه ولایت په دوهمه، درېیمه او څلورمه ناحیو کې د ښاري پلانونو د تطبیق او روانو ودانیزو چارو څخه نظارتي لیدنه ترسره کړه.
د نظارت موخه د منظور شوو ښاري پلانونو د تطبیق ارزونه او د احتمالي ښاري او پلاني سرغړونو تثبیت و، د ساحوي ارزونې پر مهال کومه څرګنده پلاني سرغړونه ونه موندل شوه او د روانو ودانیزو چارو اړوند نقشې او نور اسناد هم وکتل شول.
د نظارت پر مهال څرګنده شوه چې د یادو ودانیزو چارو نقشې د خوست ښاروالۍ ریاست له لوري تأیید او ویزه شوې دي او عملي چارې یې د منظور شوو نقشو مطابق پر مخ روانې دي.
د خوست ولایت د کور او ښار جوړولو ریاست د نظارت او تخلفاتو د مخنیوي انجینري ټیمونه د منظور شوو ښاري پلانونو د تطبیق څخه په دوامداره توګه څارنه کوي، څو د ښاري پلانونو په محدوده کې د هر ډول پلاني او ښاري سرغړونو مخه ونیول شي او ودانیزې چارې د منظور شوو نقشو او ښاري اصولو مطابق ترسره شي.
