د زابل ولایت د نوبهار ولسوالۍ ودانیزه پروژه بشپړه او ګټې اخیستنې ته وسپارل شوه
۱۴۴۸/۱/۲۲
د زابل ولایت د نوبهار ولسوالۍ د احاطوي دېوال، څلورو دوه پوړیزو څارنیزو برجونو او شپږو اداري خونو د جوړولو چارې بشپړې او پروژه په رسمي توګه ګټې اخیستنې ته وسپارل شوه.
د زابل ولایت د کور او ښار جوړولو ریاست د معلوماتو له مخې، د یادې پروژې نقشې د دغه ریاست د انجینري تخنیکي ټیم له لوري د نافذه ساختماني او ښاري معیارونو پر بنسټ طرح او ترتیب شوې وې. همدارنګه، د پروژې د تطبیق له پیل څخه تر بشپړېدو پورې یې د کیفیت او تخنیکي معیارونو د رعایت په موخه دوامداره تخنیکي څارنه ترسره شوې ده.
د یادې پروژې په بشپړېدو سره د نوبهار ولسوالۍ د اداري او امنیتي اړتیاوو د پوره کېدو ترڅنګ، د ساتونکو لپاره مناسب او خوندي کاري چاپېریال هم برابر شوی، چې د خدماتو د ښه وړاندې کولو او د دولتي تاسیساتو د اغېزمن مدیریت په برخه کې به مهم رول ولوبوي.
د زابل ولایت د کور او ښار جوړولو ریاست ژمن دی، چې د معیاري ودانیزو پروژو د طرحې، تخنیکي څارنې او کیفیت د تضمین په برخه کې خپلې چارې د نافذه اصولو او تخنیکي معیارونو سره سم پر مخ یوسي.
