د کور او ښار جوړولو وزارت او د تخنیکي او مسلکي زده کړو ادارې تر منځ د علمي او تخنیکي همکاریو هوکړه لیک لاسلیک شو
۱۴۴۵/۵/۴
د کور او ښار جوړولو وزارت محترم سرپرست وزیر شیخ حمدالله نعماني د افغانستان د نوښتونو او ابتکاراتو د لومړنۍ پرانستې په مراسمو کې ګډون او وینا وکړه.
د کور او ښار جوړولو وزارت محترم سرپرست وزیر د مسلکي او تخنیکي زده کړو ادارې سره د علمي او تخنیکي ګډو همکاریو هوکړه لیک هم لاسلیک کړ.
یاد هوکړه لیک د علمي او تخنیکي ګډو هڅو په پار لاسلیک شو، تر څو په کور او ښار جوړولو وزارت کې په مسلکي برخو کې د دولتي امکاناتو څخه د عملي زده کړو لپاره په بېلا بېلو برخو کې ګټه پورته شي.
د کور او ښار جوړولو وزارت محترم سرپرست وزیر شیخ حمدالله نعماني، د مسلکي زده کړو او عمومي تعلیم په تړاو مهمې او با ارزښته خبرې وکړې او زیاته یې کړه، علم او پوهه د الله ج لخوا بنده ګانو ته یو ستر نعمت او وسیله ده، چې باید ټول زده کوونکي او محصلین علم او زده کړې د پیسو ترلاسه کولو لپاره نه، بلکې بشري ټولنې ته د خدمت کولو او د الله رضا ترلاسه کولو په موخه ترسره کړي.
دغه راز نوموړي، د تخنیکي او مسلکي زده کړو ادارې سره د کور او ښار جوړولو وزارت د هوکړه لیک لاسلیک یو ښه ګام یاد کړ.
د یاد نندارتون په پرانستې مراسمو کې د تخنیکي او مسلکي زده کړو ادارې مشر د یادې ادارې د کړنو په اړه هر اړخیز معلومات وړاندې کړل او زیاته یې کړه چې د تخنیکي او مسلکي زده کړو ادارې مسؤلین د غښتلو او نوښت ګرو ځوانانو ملاتړي دي.
د مراسمو په پای کې د کور او ښار جوړولو وزارت محترم سرپرست وزیر د ا.ا.ا د نورو مشرانو او مسؤلینو سره د افغانستان د نوښتونو او ابتکاراتو له نندارتون څخه لیدنه وکړه او د باثباته او پرمختللي افغانستان د رامنځته کولو په پار یې له نوښتګر ځوانانو ملاتړ وکړ او د لا زیاتو هڅو او نوښتونو رامنځته کولو په موخه یې وهڅول.
_____________________
د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️
WhatsApp:
https://chat.whatsapp.com/FnOgiA7hU1H3y1w3FrV0uh
Malgari:
https://www.malgari.com/?cache=1673066126#
YouTube channel:
Tel:
Web:
FB page:
https://www.facebook.com/profile.php?id=100087195086592
نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.
