په ننګرهار کې د مستوفیت ریاست د جومات د جوړولو چارې بشپړې شوې
۱۴۴۷/۰۵/۱۲
د ننګرهار ولایت د کور او ښار جوړولو ریاست محترم رئیس حافظ مولوي محمد نبي سعیدي وایي، د دې ریاست اړوند تخنیکي ټیم د ارشاد، حج او اوقافو ریاست په مالي ملاتړ، د مستوفیت ریاست په انګړ کې د مسجد شریف د اعمار چارې بشپړې کړې دي.
ښاغلي مولوي سعیدي وویل، تخنیکي ټیم د یادې پروژې له ودانیزو چارو څخه لیدنه او تخنیکي څارنه ترسره کړې، چې د ټیم د څرګندونو له مخې د جومات د سلب او بیمونو سیخ بندۍ چارې د نقشې او مشخصاتو سره سم پرمخ تللې دي.
حافظ مولوي محمد نبي سعیدي زیاته کړه، تخنیکي ټیم تل هڅه کوي چې د ښار ټولې ودانیزې پروژې د کور او ښار جوړولو ریاست د نقشي او انجینري معیارونو مطابق ترسره شي.
د کور او ښار جوړولو وزارت د هېواد په کچه د انجینري معیارونو د پلي کېدو له لارې هڅه کوي چې خلکو ته د ښاري ژوند د اسانتیاوو او معیاري ودانیو زمینه برابره کړي.
