یو بل پانګوال هم چمتو شو چې د کابل نوي ښار کې پانګونه وکړي

۱۴۴۵/۰۶/۰۶

د کور او ښار جوړولو وزارت محترم سرپرست وزیر شیخ حمدالله نعماني په خپل کاري دفتر کې د رسول مصیر شرکت له مسؤل محترم حاجي رسول رضایي او نورو شریکانو سره وکتل.

په دغه کتنه کې د کابل په نوي ښار کې د پانګونې او پراختیا په تړاو خبرې وشوې، چې د رسول مصیر شرکت مسؤلینو خپل چمتوالی وښود.

ښاغلي حاجي رسول او شریکانو یې د کابل په نوي ښار کې د پانګونې او پراختیا لپاره ټټر وډباوه، په دغه برخه کې پانګونه مهمه وګڼله او د کار پیلولو اجازه یې وغوښته.

د کور او ښار جوړولو وزارت محترم سرپرست وزیر شیخ حمدالله نعماني، د کابل په نوي ښار کې د پانګونې په پار د رسول مصیر شرکت له چمتوالي مننه وکړه، د ملاتړ ډاډ یې ورکړ او د وزارت اړوند مسؤلینو ته یې لارښوونه وکړه چې د پانګونې او عملي کار د پیل لپاره رسول مصیر شرکت ته زمینه برابره کړي، اسانتیاوې رامنځته کړي او او رسماً دې یې چارې پیل کړي.

یاد شرکت له مخکې د کور او ښار جوړولو وزارت سره د (۷۰۰) جریبه ځمکې هوکړه لیک لري، چې تر دې دمه د ځینو ستونزو له امله یې عملي چارې په ټپه ولاړې وې.

اوسمهال چې ستونزې ختمې دي، شرکت چمتو دی چې پانګونه وکړي، نو د کور او ښار جوړولو وزارت هم رسماً د کار کولو اجازه ورکوي.

د کور او ښار جوړولو وزارت له ټولو ملي او نړیوالو پانګوالو غواړي چې راشي او د کابل په نوي ښار کې د پارختیا او ودې په موخه پانګونه وکړي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/profile.php?id=100087195086592

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.