په کابل، کاپیسا، سرپل او هرات کې د ځینو پلانونو او پروژو په اړه تصمیم ونیول شو
۱۴۴۶/۰۴/ ۰۹
د کور او ښار جوړولو وزارت محترم سرپرست وزیر الحاج شیخ حمدالله نعماني په مشرۍ رهبري ناسته وشوه، چې په کې د وزارت مرستیالانو او نورو اړوندو رئیسانو او مسؤلینو برخه اخیستې وه.
په دغه رهبري ناسته کې، په کابل او کاپیسا ولایتونو کې د ځینو پروژو د برخلیک معلومولو او په تړاو یې د راتلونکو اقداماتو خبرې وشوې.
دغه راز، په سرپل او هرات ولایتونو کې د پلانونو پر تعدیل او نه تعدیل خبرې وشوې، چې لازم تصمیمونه ونیول شول.
د دغه وزارت سرپرست وزیر الحاج شیخ حمدالله نعماني وویل، په یو شمېر ولایتونو کې د ځینو ساحو د تعدیل غوښتنه کېږي، چې له امله یې فساد ته زمینه برابرېږي.
نوموړي وویل، لازمه ده چې د اړتیا له مخې او د متخصصینو له نظر ورکولو وروسته مکمل لاین تعدیل شي، نه دا چې په نقطه یي توګه د پلان یا نقشې تعدیل وشي.
د کور او ښار جوړولو وزارت په پلازمېنه کابل او نورو ولایتونو کې اړتیا ته په کتو د پلانونو پر تعدیل غور کوي او هڅه کوي چې خلکو ته د کاروبار او سوداګرۍ زمینه برابره شي.
